அதிரையில் நுங்கு சீசன் துவங்கியது ! ரூ 10 க்கு, 4 சுளைகள் !!

கோடை காலத்தில் மக்களின் சூட்டைத் தணிக்கும் நுங்கு சீசன் அதிரையில் துவங்கியுள்ளது. அதிரையை சுற்றி காணப்படுகிற மகிழங்கோட்டை, தொக்காளிகாடு, பழஞ்சூர், மளவேனிற்காடு, ராசியங்காடு, மஞ்சவயல் உள்ளிட்ட கிராம பகுதியிலிருந்து நுங்குகள் விற்பனைக்காக கொண்டு வரப்படுகின்றன.

தற்போது அதிரையில் வெப்பம் வாட்டி வருகிற சூழ்நிலையில் மக்களின் தாகத்தை தீர்ப்பதற்காக அதிரையின் பிராதான பகுதியாக கருதப்படுகிற தக்வா பள்ளி, பேருந்து நிலையம் போன்ற இடங்களில் நுங்கு விற்பனை செய்யப்பட்டு வருகிறது.

பொதுமக்களும் வாகனத்தில் பயணம் செய்வோரும் இந்த நுங்குகளை வாங்கி சாப்பிடுகின்றனர். ரூ 10 க்கு, 4 சுளைகள் வீதம் விற்கின்றனர். மேலும் நிறைய பேர் வீட்டிற்கு என்று தனியாக நுங்கு சுளைகளை வாங்கியும் செல்கின்றனர். இங்கு கொண்டுவரப்பட்ட நுங்குகள் 1-மணி நேரத்தில் முழுவதுமாக விற்று தீர்ந்துவிடுவதாக நுங்கு வியாபாரி கூறுகின்றனர்.