தொடர் மழையால் அதிரை மீன் மார்க்கெட்டில் தாளன் சுறா மீன் வரத்து அதிகரிப்பு !

அதிரையை உள்ளடக்கிய காந்தி நகர், கரையூர் தெரு, ஏரிப்புறக்கரை மறவக்காடு, கீழத்தோட்டம் ஆகிய பகுதிகளில் மீன்பிடி துறைமுகங்கள் உள்ளன. இங்குள்ள மீனவர்கள் தொழிலாக படகுகளில் கடலுக்குச் சென்று மீன்பிடித்து வருகின்றனர். கடந்த இரண்டு நாட்களாக அதிரை கடலோரப்பகுதிகளில் தொடர் மழை பெய்ததால் மீனவர்களின் வலைகளில் தாளன் சுறா மீன்கள் அதிகளவில் பிடிபடுகின்றன. இதனால் மீனவர்கள் மகிழ்ச்சி அடைந்துள்ளனர்.

இவ்வகை மீன்கள் அதிரையின் பிரதான மார்க்கெட்டாக கருதப்படும் கடைத்தெரு பெரிய மார்க்கெட்டிற்கு கொண்டு வரப்பட்டு விற்கப்படுகின்றன. அதிரையர்கள் அதிகமாக விரும்பி சாப்பிடும் தாளன் சுறா மீனை 50 ரூபாயிலிருந்து 70 ரூபாய் வரை விற்கப்படுகின்றது. இந்த மீன்கள் மிகவும் சுவையாக இருக்கும் என்பதால், மீன் பிரியர்கள் போட்டிபோட்டு வாங்கிச் செல்கின்றனர். விலை மலிவாக கிடைப்பதால் மீன் பிரியர்களுக்கும், விரைவில் விற்று தீர்ந்து விடுவதால் வியாபாரிகளுக்கும் மகிழ்ச்சியை ஏற்படுத்தியுள்ளது.